Shërbimet e Policisë së Kavajës kanë arrestuar në flagrancë dy shtetas për veprën penale të “Ngacmimit seksual”. Të arrestuarit janë S.K., 40 vjeç, dhe D.P., 57 vjeç, të dy banues në fshatin Kryevidh. Ngjarja ndodhi mbrëmjen e djeshme, kur një vajzë 18-vjeçare kallëzoi se këta dy individë e kishin ngacmuar seksualisht në një lokal.
Ndërkohë, në një ngjarje tjetër, specialistët për Hetimin e Krimeve të Policisë së Durrësit arrestuan në flagrancë shtetasin I.B., 18 vjeç, i cili akuzohet për veprën penale “Marrëdhënie seksuale me dhunë me të rritura”, mbetur në tentativë. Një shtetase australiane, 21 vjeçe, ka denoncuar se 18-vjeçari ka tentuar të kryejë marrëdhënie seksuale me dhunë ndaj saj.
Materialet e këtyre dy rasteve i janë dërguar Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme ligjore.
©️zërionline
