Në Prokurorinë e Tiranës është hedhur shorti për prokurorin që do të ekzekutojë vendimin e gjykatës së Apelit për dënimin me 1 vit burg të deputetit demokrat Ervin Salianji. Do të jetë prokurorja Elona Alvora që do ta ekzekutojë këtë vendim që ka ngjallur një valë reagimesh në vend ndaj vendimit. Urdhri i prokurores do t’i kalojë policies, ndërkohë që deputeti Salianji është ftuar ta zbatojë atë vullnetarisht.
Sot pritet të përfundojë e gjithë procedura, që do të thotë se Salianji do të izolohet në qeli për të vuajtur dënimin me 1 vit burg ndaj Salianjit në lidhje me audio përgjimin e publikuar prej tij që sipas gjykatave të shkallës së parë dhe të Apelit ka qenë i inskenuar.
Gjykata e Apelit vendosi të enjten të lërë në fuqi vendimin e Shkallës së Parë për Salianjin dhe dënimin e tij përfundimisht me 1 vit burg nën akuzën e kallëzimit të rremë për dosjen e njohur si “Babalja”. Deputeti demokrat e cilësoi vendimin e gjykatës si politik dhe tha se do ta vazhdojë betejën e tij, por dhe denoncimet nga qelitë e burgut.
©️zërionline
