Një mjet tip autobot, që transportonte karburant, është përplasur më një mjet bujqësor në aksin Lushnje-Berat.
Nga përplasja, traktori është shkatërruar plotësisht, por Arben Toska, drejtuesi i mjetit bujqësor është në gjendje të mirë pasi është hedhur nga mjeti në momentin që ka ndodhur përplasja.
Nuk ka pasur të njëjtin fat drejtuesi i autobotit, i cili ka përfunduar bashkë me mjetin në kanalin kullues. Pas rreth një orë përpjekjeje drejtuesi i autobotit, Petro Piti, është nxjerrë nga kamioni me ndërhyrjen e zjarrfikësve dhe banorëve të zonës.
Piti është dërguar me urgjencë në spitalin e Lushnjës në gjendje kritike, por ka humbur jetën.
©️zërionline
