Qyteti i Durrësit dhe rrethinat e tij janë përfshirë nga reshjet e dendura të shiut duke ndikuar në aktivitetin normal të qytetarëve në këtë fillimjave. Shumë prej tyre kanë shmangur daljet e panevojshme dhe kjo është reflektuar dhe në rrugët e qytetit që janë më pak të ngarkuara se zakonisht. Ndërkaq, moti i keq ka shkaktuar vonesa në mbërritjen e trageteve nga porti italian i Barit në Durrës. Dy tragetet e linjës kanë mbërritur me vonesë në portin e Durrësit paraditen e kësaj të hëne, ndërsa anijet e tonazhit të ulët kanë pezulluar lundrimet që natën e kaluar.
Sipas Kapitenerisë së Portit Detar, era fryn nga juglindja dhe dallgëzimi në det të hapur arrin në 7 ballë, duke krijuar vështirësi në lundrim. Kjo situatë ka ndikuar edhe në sektorin e peshkimit, i cili është detyruar të pezullojë përkohësisht aktivitetin.
Ndërkohë, pritet që nesër kushtet atmosferike në gjirin e Durrësit të përmirësohen.
©️zërionline
