Krishtlindja u kremtua me solemnitet në Durrës, ku mijëra besimtarë morën pjesë në mesnatë në meshat e shenjta në kishën famullitare “Shën Domeniku” dhe katedralen e “Shën Luçisë”. Mesha e mesnatës, si një nga momentet më të rëndësishme, përcolli mesazhe paqeje, dashurie dhe shprese për një fillim të ri.
Në kishën ortodokse “Apostull Pavli dhe Shën Asti” u zhvilluan gjithashtu shërbesa të posaçme gjatë paradites së 25 dhjetorit, ndërsa kishat ungjillore organizuan shërbesat festive, duke përfshirë këndimin e himneve dhe predikime frymëzuese.
Pas përfundimit të shërbesave, besimtarët shkëmbyen urime të ngrohta, duke krijuar një atmosferë festive që i afroi njerëzit më shumë me familjen dhe komunitetin, ndërsa theksuan rëndësinë e besimit dhe shpresës për një të ardhme më të mirë.
Gëzuar Krishtlindjen të gjithë besimtarëve të krishterë!
©️zërionline
