Një ngjarje e rëndë ka tronditur lagjen 16 të qytetit të Durrësit, ku një i moshuar është gjetur i pajetë në banesën e tij. Viktima është identifikuar si Paulin Gina, 82 vjeç, i cili sipas të dhënave paraprake kishte shenja plagësh thike në fytyrë.
I moshuari jetonte i vetëm, pasi të afërmit e tij ndodheshin jashtë vendit, në Itali. Familjarët, të shqetësuar pasi nuk arritën ta kontaktojnë nëpërmjet telefonit, njoftuan menjëherë policinë.
Forcat e rendit dhe zjarrfikësja mbërritën në banesën e tij, ku konstatuan 82-vjeçarin pa shenja jete, duke vërejtur gjithashtu shenja të shkaktuara nga një mjet prerës në fytyrë.
Grupi hetimor po punon intensivisht për të zbardhur rrethanat e ngjarjes dhe për të përcaktuar shkakun e saktë të vdekjes, ndërsa hetimet po zhvillohen për të përcaktuar nëse bëhet fjalë për një vetëvrasje apo vrasje.
©️zërionline
