Në morgun e Durrësit po kryhet autopsia e 12-vjeçares Endi Bardhi, e cila humbi jetën mbrëmjen e kaluar si pasojë e një hemorragjie cerebrale. Policia ende nuk ka dalë me një deklaratë zyrtare, por burime pranë saj bëjnë me dije se kanë nisur hetimet dhe po presin rezultatet e ekspertizës mjeko-ligjore për të sqaruar rrethanat e ngjarjes.
E mitura ka shfaqur probleme shëndetësore dje gjatë orës së mësimit dhe është dërguar me urgjencë në pediatrinë e spitalit të Durrësit, ku ka mbërritur rreth orës 09:30, pasi kishte konvulsione. Gjendja e saj u përkeqësua në vijim dhe ekzaminimi me skaner konfirmoi se ajo po kalonte një hemorragji cerebrale. Pavarësisht përpjekjeve të mjekëve, 12-vjeçarja ndërroi jetë rreth orës 18:30 të së premtes.
Trupi i saj do të përcillet për në banesën e fundit sot, rreth orës 15:00, në Sukth.
©️zërionline
