Një aksident rrugor ka ndodhur sot në zonën e ish-Kënetës, në rrugën “Azem Hajdari”. Një automjet ka përplasur një të moshuar që po lëvizte me motor. Menjëherë pas aksidentit, ai është dërguar me ambulancë në urgjencën e spitalit dhe fatmirësisht ndodhet jashtë rrezikut për jetën, duke pësuar dëmtime të lehta në kokë.
Banorët e zonës shprehen të shqetësuar, pasi kjo rrugë është bërë një pikë e zakonshme aksidentesh, ku dhjetëra incidente ndodhin në mënyrë të përsëritur. Ata kërkojnë masa më të forta sigurie për të parandaluar ngjarje të ngjashme në të ardhmen.
©️zërionline
