Në një operacion të zhvilluar nga specialistët e Hetimit të Krimeve në Komisariatin e Policisë Durrës, janë arrestuar dy shtetas, njëri për kanosje me armë zjarri dhe tjetri për dhunë në familje.
Gjin Gega, 25 vjeç, u kap dhe u arrestua pasi, në bashkëpunim me vëllanë e tij, A. Gega, dyshohet se kanosi me armë zjarri një 20-vjeçar, K. P., gjatë një konflikti të ndodhur për motive të dobëta më 1 qershor 2024. Vëllai i tij, A. Gega, ishte arrestuar më parë në të njëjtën ditë.
Ndërkohë, Erion Fusha, 42 vjeç, i shpallur në kërkim për dhunë në familje, u kap nga forcat e rendit pas një vendimi të Gjykatës së Durrësit që e kishte dënuar me 6 muaj burgim për këtë vepër.
Operacionet e fundit janë realizuar bazuar në inteligjencën policore, me qëllim lokalizimin dhe arrestimin e personave të shpallur në kërkim. Të dy të arrestuarit janë dërguar në Prokurorinë pranë Gjykatës së Shkallës së Parë Durrës për veprime të mëtejshme.
©️zërionline
