Një ndryshim drastik ka ndodhur në pamjen e Ariana Grandes, kantautores dhe aktores amerikane, e cila ka humbur shumë peshë, gjë që ka shqetësuar jashtë mase shumë fansat e saj. Një foto e publikuar në rrjet, e cila tregon kantautoren duke nënshkruar një autograf në ceremoninë e fundit të ndarjes së çmimeve BAFTA në Londër, ka alarmuar fansat e saj.
Ata dyshojnë se ndoshta këngëtarja 31-vjeçare vuan nga ndonjë formë kanceri, gjë të cilën ajo mbase preferon ta mbajë të fshehtë, njësoj si aktori i njohur Chadwick Boseman, i cili u nda nga jeta në vitin 2020, pas një beteje të gjatë me kancerin në zorrën e trashë, të cilin nuk e bëri kurrë publik.
“Ajo po vdes dhe askush nuk po e shikon këtë”; “Nuk po e bullizojmë për peshën, thjesht jemi të shqetësuar për shëndetin e saj”; “Ajo mund të sëmuret, ose të vdesë”, “Mos e trajtoni atë thjesht si një vajzë të dobët”. Keto ishin disa nga komentet që spikatën për të në rrjetin social “X”.
©️zërionline
