Sot, demokratët do të zgjedhin përfaqësuesit e tyre për zgjedhjet parlamentare të 11 Majit 2025. Në këto primare garojnë 37 kandidatë nga i gjithë qarku i Durrësit, duke e bërë këtë, sipas demokratëve një proces të rëndësishëm për të ardhmen politike të Partisë Demokratike në qark.
Votimi për Durrësin po zhvillohet në pallatin e sportit “Ramazan Njala” dhe kjo qendër masive votimi do të qêndrojë e çelur nga ora 08:00 deri në 18:00. Anëtarët e PD-së kanë mundësinë të shprehin vullnetin e tyre për përfaqësimin në zgjedhjet e ardhshme, ndërsa duhet të kenë një dokument të vlefshëm identifikimi (ID, pasaportë ose patentë), ose dhe me kartën e anëtarësisë.
Primaret konsiderohen një hap kyç në përcaktimin e alternativës që demokratët do t’i ofrojnë qytetarëve të Durrësit më 11 maj. Procesi pritet të shënojë një garë të hapur dhe dinamike për të përcaktuar emrat që do të përfaqësojnë partinë në betejën elektorale të ardhshme.
©️zërionline
