Një shpërthim me lëndë eksplozive ka ndodhur rreth orës 01:00 të mesnatës në oborrin e një objekti pranë ish-magazinave të grumbullimit në Fushë-Krujë. Nga ngjarja janë shkaktuar dëme të vogla materiale, ndërsa shpërthimi është konstatuar vetëm mëngjesin e sotëm, kur punëtorët e fabrikës kanë mbërritur në ambientet e punës dhe kanë njoftuar policinë.
Forcat e rendit kanë nisur hetimet për të zbardhur rrethanat e ngjarjes dhe për të identifikuar autorët e vendosjes së eksplozivit. Deri më tani, nuk raportohet për të lënduar, ndërsa grupi hetimor po punon për të përcaktuar llojin e lëndës shpërthyese dhe motivet e mundshme të sulmit.
©️zërionline
