Një aksident tragjik ka ndodhur mbrëmjen e sotme në aksin rrugor Lezhë – Mabe, në zonën e Dajçit. Sipas informacioneve paraprake, rreth orës 20:50, një kamion i drejtuar nga shtetasi K. Z., 28 vjeç, është përplasur me një motomjet me drejtues Arben Tanushin, 51 vjeç.
Si pasojë e përplasjes, 51-vjeçari ka mbetur i plagosur rëndë dhe është transportuar menjëherë në spital, ku nuk ka mundur t’u mbijetojë plagëve.
Grupi hetimor ndodhet në vendngjarje dhe po punon për të zbardhur rrethanat dhe shkakun e aksidentit. Ndërkohë, drejtuesi i kamionit është shoqëruar në komisariat për veprime të mëtejshme procedurale.
©️zërionline
