Durrësi mirëpriti festën e Ditës së Verës me një sërë aktivitetesh të organizuara në sheshin kryesor të qytetit. Nën kujdesin e Bashkisë Durrës dhe Qendrës Kulturore të Fëmijëve, qytetarët dhe vizitorët patën mundësinë të shijonin një atmosferë festive me muzikë, valle dhe animatorë.
Shiu i lehtë dhe disa vonesa në organizim krijuan disa pengesa të vogla, por nuk e zbehën entuziazmin dhe atmosferën festive të kësaj dite në Durrës.
Grupet artistike të fëmijëve sollën shfaqje të ndryshme, përfshirë këngë e valle tradicionale, ndërsa gratë artizane morën pjesë në një panair me punimet e tyre dhe veroret e festës duke i dhënë ngjyrë dhe kreativitet festës. Për më të vegjlit u organizuan lojëra dhe aktivitete argëtuese, duke e bërë Ditën e Verës një festë të vërtetë për të gjitha moshat.
Përveç argëtimit, kjo ditë ështe një mundësi për të promovuar traditat dhe vlerat kulturore të trevave të ndryshme të vendit, duke bërë bashkë grupmosha të ndryshme në një atmosferë festive dhe plot energji pozitive.
©️zërionline
