Qirinj dhe lule janë vendosur për dy adoleshentët, që humbën jetën një ditë më parë në një aksident, në zonën e Pusit të Mezinit, në Vlorë. Aksidenti tragjik tronditi Vlorën, teksa miq, të afërm dhe qytetarë kanë bere homazh në vendin e aksidentit. Viktimat janë Luan Llanaj, 19 vjeç, dhe Tomor Mbrati, 17 vjeç. Dy të rinjtë po udhëtonin me motor me shpejtësi të lartë kur humbën kontrollin dhe goditën një shtyllë anës rrugës. Llanaj ndërroi jetë në vendin e ngjarjes, ndërsa Mbrati u transportua me urgjencë drejt Spitalit të Traumës në Tiranë, por, për fat të keq, nuk mundi t’i mbijetojë plagëve të marra.
©️zërionline
