Pas shpalljes së fituesit për rektor të UAMD-së, Prof.Dr. Shkëlqim Fortuzit, mësohet edhe emrat e dekanëve të rinj të pesë fakulteteve të këtij universiteti.
Në Fakultetin e Edukimit fitoi kandidatja Klodiana Leka, e cila garonte e vetme për postin e dekanes në këtë fakultet.
Në Fakultetin e Teknologjisë së Informacionit fituese u shpall kandidatja e vetme në garë, Anjeza Pasku.
Ndërkohë, në Fakultetin e Biznesit, fitues u shpall kandidati Llambi Prendi, i cili garonte përballë dy kandidatëve Ermir Shahini dhe Olta Nexhipi.
Në Fakultetin e Studimeve Profesionale u shpall fituese kandidatja Rezarta Kalaja, e cila garonte e vetme.
Në Fakultetin e Shkencave Politike-Juridike fitues u shpall Linert Lirëza, i cili fitoi përballë kandidates tjetër Gentiana Kraja.
@zërionline
