Sot në Durrës, 2,398 maturantë iu nënshtruan provimit të parë të Maturës Shtetërore, atij të gjuhës së huaj. Sipas Zyrës Vendore Arsimore Durrës, procesi u zhvillua në përputhje me rregulloren dhe pa ndonjë problem. Provimi filloi në orën 10:00 dhe zgjati 2 orë e 30 minuta. Në qytet ka 9 qendra provimi që administrohen nga punonjës arsimorë nga të gjitha strukturat, të cilët janë angazhuar për administrimin dhe monitorimin e procesit të Maturës Shtetërore. Për të siguruar një proces sa më të drejtë dhe transparent, të gjitha qendrat e provimit monitorohen 100 % nga kamerat. Janë angazhuar 285 punonjës arsimorë për administrimin e procesit. Krahasuar me vitin e kaluar, këtë vit ka 77 maturantë më pak që po i nënshtrohen këtij provimi kaq të rëndësishëm në jetën e tyre.
©️zërionline
*Ripublikimi i materialeve tona lejohet vetëm nëse bëhet citimi i autorit, burimit origjinal.
