Ka shkaktuar një zhurmë të madhe, jo vetëm në Emiratet e Bashkuara Arabe, lëvizja e vajzës së kryeministrit të Dubait , Princeshës Sheikha Mahra Bint Mohammed Bin Rashid Al Maktoum, e cila është divorcuar nga bashkëshorti i saj përmes një postimi në Instagram. I ka thënë tri herë, sipas traditës, publikisht bashkëshortit të saj: “Unë të ndaj ty”, duke i dhënë fund sipas saj tradhtisë nga ana e tij.
Ajo është një nga 26 fëmijët e kreut të Dubait dhe ka origjinë greke nga e ëma. Divorci publik erdhi vetëm dy muaj pas lindjes së vajzës së tyre.
Në mesazhin e saj, 30-vjeçarja ka shkruar:
“Burri im i dashur, meqë je i zënë me lidhje të tjera, po të njoftoj divorcin. Po ndahem, po ndahem, po ndahem. Kujdesu për veten. Ish-gruaja jote”. Pas këtij postimi, vihet re se çifti, i cili u martua në maj të 2023-ës, hoqën njëri-tjetrin nga rrjetet sociale dhe hoqën çdo foto të tyre së bashku nga platformat e tyre të rrjeteve sociale.
Për momentin nuk ka asnjë reagim nga familja mbretërore e Dubait.
Sheikha Mahra është vajza e Mohammed bin Rashid Al Maktoum, kryeministrit të Emirateve të Bashkuara Arabe. 30-vjeçarja është diplomuar në një universitet në Londër për Marrëdhënie Ndërkombëtare dhe njihet për mbrojtjen e të drejtave të grave. Nga ana e tij, ish-burri Sheikh Mohammed është një nga pronarët më të mëdhenj të pronave në Mbretërinë e Bashkuar pasi, sipas Guardian, ai zotëron më shumë se 400,000 hektarë tokë në Londër, Skoci dhe Suffolk.
@zërionline
