E denjë për skenarët e filmave, por ka ndodhur në një nga burgjet greke ku vuajnë dënimin dhe mjaft prej bashkëkombasve tanë. Ngjarja e pazakontë është zbuluar nga gardianët e burgut të Larisas në Greqi.
Një i burgosur shqiptar, 28 vjeç, është evidentuar teksa kishte gëlltitur plot 84 paketime kokainë. I riu po transferohej nga burgu i Koridhalos drejt atij të Larisas në Greqi, kur i është nënshtruar kontrollit të gardianëve të burgut. Pasi i janë nxjerrë dozat e kokainës, është zbuluar se ato peshonin rreth 138 gram. Informacionet nga mediat greke bëjnë me dije detaje se si autoritetet që kanë ndërmarrë këtë akt e kanë realizuar nxjerrjen e dozave të drogës, por një gjë është e sigurtë, pozitat e tij para ligjit në shtetin fqinj janë rënduar, duke iu shtuar dhe një tjetër akuzë.
@zërionline
