Një ngjarje tronditëse ka dalë në dritë sot në fshatin Shënavlash të Durrësit, ku policia ka zbuluar trupin e një 62-vjeçari të zhdukur rreth 20 ditë më parë. Sipas informacioneve paraprake, dyshohet se krimi ka ndodhur afërsisht 20 ditë më parë, ndërsa trupi i viktimës, shtetasit Enver Balla, është gjetur në një pus.
Policia e Durrësit ka bërë të ditur se djali i viktimës, shtetasi Esmerald Balla, banues në fshatin Shënavlash, ka raportuar në polici më datë 13 gusht se babai i tij ishte larguar nga banesa. Hetimet e mëtejshme kanë ngritur dyshime të forta se vetë Esmerald Balla mund të jetë autori i këtij krimi të rëndë.
Autoritetet po vijojnë hetimet për të zbardhur plotësisht ngjarjen dhe për të përcaktuar motivet që kanë çuar në këtë akt të rëndë brenda familjes.
©️zërionline
