Një 25-vjeçar është arrestuar nga policia e Kavajës, pasi dyshohet se i vuri zjarrin një stalle bagëtish, në Golem, për motive të dobëta. Zjarri ka shkaktuar dëme të mëdha, duke përfshirë shkatërrimin e një objekti njëkatësh, djegien e sipërfaqes përreth dhe të bazës ushqimore për bagëtitë.
Falë hetimeve intensive dhe operacioneve të kryera nga policia, u arrestua shtetasi Edison Ajazi, 25 vjeç, banues në Golem. I riu dyshohet se i ka vënë zjarrin stallës së kushëririt të tij, gjë që ka sjellë përhapjen e flakëve dhe shkatërrimin e pronës përreth.
Materialet e hetimit i janë dorëzuar Prokurorisë pranë Gjykatës së Shkallës së Parë në Durrës, ndërsa ndaj të riut rëndon akuza për “Shkatërrimin e pronës me zjarr”.
Policia apelon për qytetarët që të mos kryejnë veprime të tilla të rrezikshme dhe të denoncojnë çdo rast zjarrvënieje apo veprimtarie të paligjshme në numrin 112.
©️zërionline
