Një ngjarje e rëndë tronditi sot fshatin Kurjan të Roskovecit, ku dy persona, xhaxha dhe nip, humbën jetën si pasojë e të shtënave me armë zjarri automatike. Viktimat, e identifikuar si Ladimir dhe Gramoz Kurtaj, u qëlluan rreth orës 14:00 nga i dyshuari Altin Kuka, 49 vjeç nga Fieri. Pavarësisht përpjekjeve për t’i shpëtuar, ata ndërruan jetë në spital për shkak të plagëve të marra. Autori ka qëlluar me breshëri automatike në drejtim të tyre dhe paraprakisht deklarohet se shkak është bërë një grindje mes djalit të autorit dhe dy viktimave.
Pas krimit, autori i dyshuar, Altin Kuka, u dorëzua në polici, ku është nën hetim për zbardhjen e motiveve të ngjarjes. Policia po punon për të hedhur më shumë dritë mbi rrethanat që çuan në këtë tragjedi dhe po merret në pyetje për të kuptuar arsyet e konfliktit që përfundoi në vrasje të dyfishtë.
©️zërionline
