Personi i shfaqur në foto dhe video është Fation Janina, autori i dyshuar i vrasjes së fqinjit të tij, Paulin Gila, 82 vjeç, në lagjen 16 të qytetit të Durrësit.
Policia ka siguruar pamje nga kamerat e sigurisë të një hoteli përballë pallatit, ku shihet 39-vjeçari duke dalë nga ndërtesa pas kryerjes së krimit.
Ngjarja ndodhi më 30 dhjetor, kur 82-vjeçari u godit për vdekje me thikë dhe çekiç nga Fation Janina në apartamentin e tij.
Pamjet e kamerave të sigurisë së hotelit ndihmuan hetuesit të përqendrohen te fqinjët e viktimës dhe të identifikojnë shpejt autorin, duke u mbështetur edhe në të dhëna të marra përmes rrugëve operative.
Pas arrestimit, Fation Janina pranoi autorësinë e krimit, duke deklaruar se shkak ishte bërë një borxh prej 20 mijë lekësh që viktima nuk ia kishte kthyer.
Sipas banorëve të zonës, Janina vjen nga një familje e mirë. Pas vdekjes së prindërve jetonte i vetëm dhe njihej si përdorues i alkoolit dhe drogës. Viktima, Paulin Gila, gjithashtu jetonte i vetëm, pasi tre fëmijët e tij, djemtë, ndodhen prej kohësh në emigrim në Itali. Para viteve ’90, ai ka qenë i dënuar për plagosje.
©️zërionline
