Kryetari i Bashkisë së Tiranës, Erion Veliaj, është transferuar këtë mëngjes në paraburgimin e Durrësit, një ditë pasi Gjykata e Posaçme (GJKKO) vendosi masën e sigurisë “arrest në burg” ndaj tij. Veliaj mbërriti rreth orës 09:20 në ambientet e Institucionit të Ekzekutimit të Vendimeve Penale (IEVP) Durrës, ku do të qëndrojë deri në përfundimin e hetimeve.
Në momentin e mbërritjes, përveç pranisë së mediave, nuk pati persona të tjerë për ta pritur, ndërsa shoqëruesit u kujdesën që të mos kishte imazhe nga afër të kryebashkiakut teksa zbriste nga fugoni.
Vendimi i GJKKO erdhi pas një seance maratonë te zhvilluar me dyer të mbyllura.
Veliaj kaloi natën në Bllokun e Sigurisë në Tiranë, pasi seanca gjyqësore përfundoi vonë, duke e bërë të pamundur transferimin e menjëhershëm drejt paraburgimit në Durrës.
©️zërionline
