Katër ditë pas nisjes zyrtare te fushatës elektorale për 11 majin, shënohet arrestimi i parë për korrupsion aktiv në zgjedhje. Një 38-vjeçar nga Lushnja, i identifikuar si Marim Leka, ka rënë në prangat e bluve. Ai i kishte premtuar 50 mijë lekë një qytetari në këmbim të votës për Partinë Demokratike, i cili në këto zgjedhje garon me 26 aleatë. Në momentin e arrestimit, Marim Lekës i është gjetur në xhep karta e identitetit të personit që i kishte premtuar paratë në këmbim të votës për PD-në. Ka qenë vetë personi të cilit i ishin premtuar paratë që ka bërë kallëzimin në polici për Marim Lekën.
Kallëzimi u bë nga Muharrem Toska, i cili ka deklaruar në Policinë e Fierit se 38-vjeçari Marim Leka i ka kërkuar kartën e identitetit dhe i ka premtuar një shumë prej 500 mijë lekësh të vjetra për të votuar subjektin politik PD. Uniformat blu pasi kanë arrestuar Lekën, teksa i gjetën në xhep kartën e identitetit të kallëzuesit.
Dosja për këtë rast i ka kaluar Prokurorisë së Posaçme për dy vepra penale “Korrupsioni aktiv në zgjedhje” dhe “Marrja dhe përdorimi i paligjshëm i dokumentit të identifikimit”.
©️zërionline
