Pas hetimeve disa mujore mbi një procedim penal të vitit 2023, Agjencia e Mbikëqyrjes Policore (Rajoni Shkodër – Lezhë) në bashkëpunim me Drejtorinë e Hetimit Doganor dhe Prokurorinë Shkodër, ka ekzekutuar urdhrat e ndalimit për tre punonjës policie dhe një doganier. Këta shtetas janë të dyshuar për kryerjen e veprës penale “Shpërdorim i detyrës”.
Dyshohet se ata kanë lejuar kalimin e një kamioni me 442 kg kanabis drejt Malit të Zi.
Të prangosurit janë:
-Lek Çekrezi, punonjës policie në pikën kufitare Hani i Hotit.
-Fatjon Hamzi, punonjës policie në pikën kufitare Hani i Hotit.
– Tonin Melaj, punonjës policie në pikën kufitare Hani i Hotit.
– Selami Ethemi, me detyrë doganier në pikën kufitare Hani i Hotit.
Urdhrat e ndalimit vijnë pas hetimeve të thelluara me metoda speciale në lidhje me ngjarjen e datës 17/09/2023, ku një kamion me targa shqiptare, pasi ka kryer procedurat e daljes nga Republika e Shqipërisë nëpërmjet pikës kufitare të Hanit të Hotit, në kundërshtim me ligjin dhe procedurat standarde, është ndaluar nga policia e vendkalimit kufitar të Bozajt, Mali i Zi, pasi në kamion është gjetur një sasi prej 442 kg lëndë narkotike e dyshuar Canabis Sativa.
©️zërionline
