Shoqëria Rajonale Ujësjellës-Kanalizime Durrës (SHRUKD) ka njoftuar se disa zona do të përballen me probleme ose reduktime në furnizimin me ujë të pijshëm, për shkak të një defekti në rrjetin elektrik të OSHEE-së në zonën e Fushë Kuqes.
Sipas njoftimit zyrtar, stacionet e pompimit në Fushë Kuqe dhe Fushë Milot do të stakohen nga mbrëmja e sotme deri në orët e para të mëngjesit të nesërm, gjë që pritet të ndikojë në mënyrë të përkohshme në shpërndarjen e ujit në disa zona që furnizohen nga këto stacione.
SHRUKD bën me dije se ekipet teknike janë në kontakt të vazhdueshëm me OSHEE-në për të ndjekur nga afër situatën dhe për të garantuar rikthimin sa më të shpejtë të normalitetit në furnizim.
©️zërionline
