Një ngjarje e rëndë është parandaluar falë ndërhyrjes së menjëhershme të shërbimeve të Policisë në Durrës, pas një njoftimi për një konflikt në një lokal në lagjen nr. 17.
Sipas burimeve zyrtare, 44-vjeçari Ermal Dhampiraj, banues në Shkodër, u kap në flagrancë teksa kanoste me një sopatë dy shtetas, E. A. dhe E. S., për motive të dobëta. Ngjarja ndodhi në lagjen nr. 17, dhe vetëm ndërhyrja në kohë e forcave të rendit shmangu përshkallëzimin e konfliktit në një përplasje me pasoja të rënda për jetën.
Policia sekuestroi mjetin prerës që u përdor për kanosjen, ndërsa autori u vu menjëherë në pranga. Në kuadër të hetimeve, u procedua penalisht edhe shtetasi B. K., i cili kishte dijeni për konfliktin, por nuk kishte njoftuar autoritetet.
Materialet hetimore i janë referuar Prokurorisë së Durrësit për veprime të mëtejshme procedurale.
©️zërionline
