Pesë administratorët e njësive administrative në Bashkinë e Krujës, Fushë Krujë, Cudhi, Thumanë, Bubq dhe Nikël, dy nënkryetarët e bashkisë dhe drejtuesit e drejtorive, kanë dorëzuar dorëheqjet e tyre në zyrën e kryetarit të bashkisë, Artur Bushi.
Ky veprim vjen në kuadër të një procesi të nisur në nivel kombëtar, të kërkuar nga Kryeministri Edi Rama, i cili ka bërë thirrje për dorëheqje të drejtuesve vendorë në të gjitha bashkitë e vendit, me qëllim riformatimin dhe vlerësimin e performancës së tyre.
Në Bashkinë e Krujës, një grup pune i kryesuar nga Kryetari Bushi do të analizojë kontributin dhe rezultatet e çdo drejtuesi përpara se të merren vendimet për përbërjen e re të ekipit drejtues.
Vlerësimi i performancës do të jetë kriteri kyç për rikonfirmimin apo zëvendësimin e drejtuesve lokalë.
©️zërionline
