Pa mbushur ende dy muaj në krye të Qendrës Spitalore Universitare “Nënë Tereza”, Donjeta Bali ka dhënë dorëheqjen nga posti i drejtoreshës. Arsyet e largimit të saj nuk janë bërë të ditura, ndërsa vendimi ka marrë formë zyrtare ditët e fundit.
Në vend të saj është emëruar mjeku Florenc Spaho, 41 vjeç, nga Elbasani. Spaho është një emër i njohur në fushën e shëndetësisë, pasi ka shërbyer më parë si deputet i qarkut Elbasan dhe ka qenë pjesë e Komisionit Parlamentar të Shëndetësisë.
Donjeta Bali ishte emëruar në krye të QSUT-së më 29 maj, duke zëvendësuar Alma Canin. Lëvizjet e shpeshta në drejtimin e këtij institucioni të rëndësishëm shëndetësor vënë në qendër të vëmendjes sfidat e vazhdueshme të sistemit spitalor në vend.
©️zërionline
