Eva Golemi rrëzohet në skenë teksa interpreton Violetën tek opera Traviata. Një episod i papritur ka ndodhur mbrëmjen e premierës së operës “La Traviata” në Teatrin Kombëtar të Operës dhe Baletit, ku sopranoja e njohur Eva Golemi është rrëzuar në skenën finale të shfaqjes. Rënia ndodhi në momentin dramatik të skenës ku personazhi i Violetës ndërron jetë në duart e Alfredos.
Në momentin final kur Violeta duhet të binte në krahët e Alfredos, sopranoja Eva Golemi rrëzohet në tokë, pasi tenori meksikan Mario Rojas tregon mungesë profesionalizmi, duke mos vepruar në kohë…
Ai ndodhej disa metra larg Violetës duke mos realizuar dot skenën dhe kapjen e saj. Golemi u dërgua në spital dhe mjekët i kanë sugjeruar një pushim 10 ditor, para se të kthehet në skenë. Kështu ajo nuk do të mundet të interpretojë në skenë nesër, ndërsa nuk dihet ende se kush do e zëvendësojë në këtë rol.
Sopranoja e parë e TKOBAP-së, Eva Golemi, u ngjit në skenë në rolin e Violeta Valéry.
Një rol i dashur për të, të cilin e ka interpretuar mbi 70 herë në skenat më prestigjioze brenda dhe jashtë Shqipërisë.
©️zërionline
