Tre lojtarë të Skënderbeut dhe trajneri Ernest Gjoka janë dhunuar në Fushë-Krujë, para ndeshjes me Ilirinë. Sipas njoftimit zyrtar të klubit korçar, incidenti ka ndodhur para se skuadra të hynte në dhomat e zhveshjes. Skënderbeu deklaron se dhuna është ushtruar nga persona të stafit dhe futbollistë të Ilirisë. Klubi thekson se situata e krijuar është e papranueshme dhe se në kushte të tilla nuk mund të zhvillohet futboll. Në reagimin e tij, Skënderbeu nënvizon se ky episod nuk përfaqëson vlerat e sportit. Klubi kujton se në Korçë mikpritja konsiderohet traditë dhe se e njëjta qasje pritet edhe nga kundërshtarët.
Reagimi i Klubit:
“Dhunohen futbollistët e KF Skënderbeu dhe trajneri Gjoka nga stafi dhe futbollistët e KF Iliria përpara sesa të futen në dhomat e zhveshjes.
Ky nuk është futboll. Në këto kushte nuk mund të luhet futboll.
Në Korçë mikrpritja është kult, ndaj të njëjtën gjë presim dhe ne nga ekipet kundërshtare.”
©️zërionline
