Një kallëzim për dhunë të ushtruar ndaj një të miture është referuar në Prokurorinë e Durrësit për veprime të mëtejshme procedurale.
Sipas njoftimit zyrtar të Policisë së Durrësit, materialet iu referuan organit të akuzës për vlerësimin e kallëzimit të bërë nga shtetasi K. V., 53 vjeç. Ai ka pretenduar se partneri i ish-bashkëshortes së tij ka ushtruar dhunë ndaj vajzës së tij 6 vjeçe.
Gjatë veprimeve paraprake, e mitura është marrë në pyetje në prani të një psikologeje, sipas procedurave të parashikuara për rastet që përfshijnë fëmijë. Burime zyrtare bëjnë me dije se 6-vjeçarja ka deklaruar se pretendimi i ngritur nga i ati është i pavërtetë.
Në këto kushte, materialet procedurale janë referuar në Prokurorinë e Durrësit, e cila do të kryejë verifikimet dhe vlerësimet e nevojshme ligjore për të sqaruar plotësisht rrethanat e rastit.
Policia nuk ka dhënë detaje të tjera, ndërsa çështjet që përfshijnë të mitur duhet të trajtohen me prioritet dhe me kujdes të shtuar institucional.
©️zërionline
