Një rrjet vjedhjesh dhe përvetësimesh ka dalë në dritë në Shijak, ku një i ri u ndalua dhe tjetri është proceduar nga policia.
Specialistët për Hetimin e Krimeve në Shijak ndaluan me iniciativë shtetasin E. D., pasi dyshohet se ka kryer disa vjedhje në servisin e K. K., duke marrë pjesë këmbimi për automjete me vlerë rreth 8,000 euro. Sipas hetimeve, pjesët e vjedhura dyshohet se ia ka shitur D. Sh., i cili aktualisht është në procedim penal, por në gjendje të lirë.
Nga kontrolli i celularit të të ndaluarit E. D., policia konstatoi gjithashtu faqe që lidhen me lojërat e fatit, të cilat dyshohet se kishin lidhje me aktivitetet e kundërligjshme të tij.
Si prova materiale janë sekuestruar celulari dhe pjesët e këmbimit për automjete, ndërsa hetimet për zbardhjen e plotë të ngjarjes vijojnë.
©️zërionline
