Arrest në burg për Landi Derjaj. Ky është vendimi i dhënë këtë të martë nga Gjykata e Durrësit për 48-vjeçarin e akuzuar për vrasjen me thikë të Skënder Vrapit, i njohur edhe si Skerdilajt Isufi.
Me vendim të gjyqtarit dhe pa pyetur palët, seanca u zhvillua me dyer të mbyllura për të ruajtur sekretin hetimor, ndonëse ngjarja dhe motivi i saj janë zbardhur.
Seanca për masën e sigurisë u zhvillua tri ditë pas ngjarjes së rëndë që tronditi lagjen nr. 3 të Kavajës. Sipas dosjes hetimore, konflikti mes dy burrave shpërtheu pas parkimit të automjetit nga ana e Skënder Vrapit përpara banesës së Landi Derjajt. Debati verbal degradoi në dhunë, deri në përdorimin e thikës, që i mori jetën 48-vjeçarit.
Gjykata pranoi kërkesën e Prokurorisë dhe vleftësoi të ligjshëm arrestimin e Landi Derjajt, duke e konsideruar të bazuar dyshimin për veprat penale “Vrasja me dashje” dhe “Prodhimi, mbajtja, blerja apo shitja pa leje e armëve të ftohta”.
Pasi dëgjoi palët gjykata caktoi masën e sigurisë “Arrest në burg”.
Një konflikt për një vend parkimi përfundoi në tragjedi, ndërsa hetimet vijojnë nga prokuroria.
©️zërionline
