Kryeministri Edi Rama ka ndarë mëngjesin e kësaj të marte disa pamje në rrjetet sociale nga Fakulteti i ri i Studimeve Profesionale në Universitetin “Aleksandër Moisiu“, duke e cilësuar atë si një investim të rëndësishëm në infrastrukturën arsimore të vendit. Investimi, i realizuar nga Ministria e Arsimit, synon të përmirësojë ndjeshëm kushtet e studimit dhe të mësimdhënies, duke ofruar ambiente moderne dhe të përshtatura për programe profesionale.
Kreu i qeverisë shprehet se godina e re përfshin 45 auditorë, 15 laboratorë, salla konferencash dhe terrene sportive që do vihen në dispozicion të studentëve.
“Mirëmëngjes dhe me këto pamje nga Fakulteti i ri i Studimeve Profesionale në Universitetin ‘Aleksandër Moisiu’, një investim i Ministrisë së Arsimit që kompleton mjediset akademike me 45 auditorë, 15 laboratorë, salla konferencash, terrene sportive dhe ambiente në shërbim të 1700 studentëve dhe 80 pedagogëve e stafit akademik, ju uroj një ditë të mbarë”, shkruan Rama në postimin e tij.
©️zërionline
