Ka ndërruar jetë 72-vjeçarja Sheqere Zeko, që jetonte në Shtëpinë e të Moshuarve në Gjirokastër, pasi u rrëzua nga tarraca e institucionit mesditën e sotme.
Lajmi është konfirmuar nga Spitali Memorial i Fierit, ku e moshuara ka mbërritur pa shenja jete në pavionin e traumës.
Sipas burimeve spitalore, 72-vjeçarja ka rënë nga një lartësi prej disa metrash, duke pësuar fraktura në shpatull dhe në këmbë, si dhe dëmtime të tjera trupore.
Fillimisht, ajo është transportuar me autoambulancë drejt Spitalit Rajonal të Gjirokastrës, ku iu nënshtrua ekzaminimeve mjekësore. Burime bëjnë me dije se në momentet e para gjendja e saj qe e qëndrueshme, po më vonë u përkeqësua, duke detyruar mjekët të vendosin transferimin e saj drejt Spitalit Memorial të Fierit për trajtim më të specializuar. Mësohet se 72-vjeçarja ka ndërruar jetë gjatë transportimit.
Autoritetet policore pritet të zbardhin rrethanat e plota të ngjarjes.
©️zërionline
