Një konflikt mes disa të miturve është regjistruar në një shkollë 9-vjeçare në zonën e Shënavlashit, në Durrës. Sipas informacioneve paraprake, në përplasje janë përfshirë rreth 5 – 6 nxënës, të cilët kanë pasur një konflikt fizik mes tyre në ambientet e shkollës.
Situata është menaxhuar fillimisht nga oficeri i sigurisë së shkollës, i cili ka ndërhyrë për të ndalur përplasjen mes nxënësve dhe i ka marrë në këshillim. Pas incidentit është njoftuar edhe policia, e cila po verifikon rrethanat e ngjarjes dhe shkaqet që çuan në konflikt.
Burime policore bëjnë me dije se gjatë përplasjes fizike njëri prej djemve ka pësuar një çarje të lehtë në vetull. Megjithatë, fatmirësisht, asnjë nga nxënësit e përfshirë nuk ka pasur nevojë për trajtim spitalor deri tani.
Po punohet për të sqaruar plotësisht ngjarjen, ndërsa pritet që të merren edhe deklarime nga nxënësit dhe drejtuesit e shkollës për të kuptuar më qartë konfliktin.
©️zërionline
