Pas thirrjes publike që babai bëri një ditë më parë në media, foshnja që ndërroi jetë është dërguar pranë familjes për t’u përcjellë në banesën e fundit. Babai i foshnjës bëri një apel publik në media duke rrëfyer kalvarin e gjatë të përballjes me gjendjen shëndetësore të fëmijës së tyre.
Ai tregoi se foshnja, e seksit mashkull, pati lindur me probleme dhe u trajtua fillimisht në Tiranë, ku qëndroi për një muaj në inkubator. Më pas e morën në shtëpi, por gjendja e tij mbeti e rënduar duke u përballur sërish me përkeqësim të gjendjes.
Sipas tij, fëmija pati probleme me mushkëritë dhe infeksion që prej lindjes ndërkohë që nuk ushqehej normalisht. Pas disa lëvizjesh mes spitaleve në Devoll, Korçë dhe më pas drejt Tiranës, foshnja u dërgua në spitalin “Nënë Tereza”, ku ndërroi jetë.
©️zërionline
