Një aksident rrugor është regjistruar pasditen e sotme në Durrës, në zonën e njohur si Ura e Dajlanit, në krahun e ish- kënetës.
Rreth orës 17:15, një automjet i drejtuar nga një 24-vjeçare, me inicialet Xh. K., dyshohet se ka humbur kontrollin gjatë drejtimit, duke dalë nga rruga dhe përfunduar në kanal.
Si pasojë e aksidentit, e reja është transportuar në spital, ku po merr ndihmë mjekësore dhe ndodhet jashtë rrezikut për jetën.
Në vendngjarje ndodhet grupi hetimor, i cili po punon për të zbardhur shkaqet dhe rrethanat e plota të aksidentit.
©️zërionline
