Konflikti në Lindjen e Mesme gjatë javëve të fundit ka impakt edhe në ekonominë shqiptare, nëse do të vijojë. Sipas Bankës së Shqipërisë, në Raportin 3-mujor të Politikës Monetare, kjo situatë mund të ndikojë në rritjen e çmimeve.
Banka e Shqipërisë vlerëson se rritja e çmimit të naftës, rëndon njëherësh edhe në shportën e produkteve ushqimore, veçanërisht tek familjet shqiptare.
Por pavarësisht tablosë së mësipërme, ekonomia e vendit në 3 muajt e parë të këtij viti deklarohet nga BSH se ka pasur ecuri pozitive.
Sipas parashikimeve të skenarit bazë të Bankës Qendrore, pritet një rritje graduale e inflacionit drejt objektivit 3% gjatë vitit 2026, e mbështetur nga qëndrueshmëria e presioneve të brendshme inflacioniste dhe reduktimi i efektit frenues të forcimit të kursit të këmbimit.
©️zërionline
