Një ngjarje e rëndë është shënuar pasditen e sotme në Durrës, ku një 17-vjeçar, nxënës i gjimnazit Gjergj Kastrioti ka humbur jetën në ambientet e shkollës.
Sipas informacionit paraprak të policisë, rreth orës 15:15, i riu ka qenë në palestër kur është ndjerë papritur keq dhe ka humbur ndjenjat. Menjëherë është dhënë ndihma e parë dhe ai është transportuar me urgjencë drejt spitalit, por fatkeqësisht nuk ka mundur të mbijetojë.
Burime zyrtare bëjnë me dije se, nga të dhënat e para, dyshohet që vdekja të ketë ardhur për shkaqe natyrale, konkretisht si pasojë e një arresti kardiak.
Mësohet se i mituri ka qenë i sëmurë me zemër e nuk dihet nëse duhej t’i nënshtrohej aktivitetit fizik në shkollë.
Ndërkohë, grupi hetimor ndodhet në vendngjarje dhe po punon për zbardhjen e plotë të rrethanave, si dhe për dokumentimin e këtij rasti të rëndë që i ka tronditur të gjithë.
©️zërionline
