Një ngjarje e rëndë është shënuar mesditën e kësaj të diele në zonën turistike të Ujëvarës së Sotirës, në Gramsh.
Sipas informacionit paraprak policor, rreth orës 12:45, shtetasi Robert Xhangoli, 53 vjeç, banues në Durrës, i cili ushtronte aktivitet në transportin e vizitorëve drejt kësaj zone për qëllime turistike, dyshohet se është rrëzuar aksidentalisht gjatë lëvizjes në këmbë.
Për pasojë, ai ka humbur jetën në vendngjarje.
Grupi hetimor ndodhet në terren dhe po punon për zbardhjen e plotë të rrethanave të ngjarjes, si dhe për dokumentimin ligjor të rastit.
