Ka pasur ndryshime në drejtimin e disa institucioneve vendore në Durrës të deklaruara këtë fillimjave.
Ish-oficer policie, Flamur Gjuzi ka deklaruar mbylljen e detyrës si drejtor i DRFSDKSH Durrës dhe do të vijojë karrierën si drejtor i Policisë Bashkiake të Durrësit. Lëvizja e tij, e cila sipas burimeve pritej prej kohësh, është finalizuar tashmë.
Ndërkohë, në krye të DRFSDKSH Durrës është emëruar Mimoza Kristo.
Kryetarja e Bashkisë Durrës, Emiriana Sako, gjatë një takimi me strukturën e Policisë Bashkiake, prezantoi edhe drejtorin e ri të këtij organi, Flamur Gjuzi. Ajo theksoi rritjen e angazhimit në terren gjatë sezonit turistik, si dhe përcaktimin e prioriteteve të punës në vijim.
Sako kërkoi intensifikim të kontrolleve për hapësirat publike në zbatim të VKM-së së fundit, reagim të menjëhershëm ndaj ndërtimeve pa leje, menaxhim të plazheve publike, si dhe masa për ndotjen akustike dhe mbrojtjen e mjedisit. Ajo kërkoi gjithashtu përkushtim të plotë dhe zbatim rigoroz të ligjit, me synim rritjen e cilësisë së shërbimit ndaj qytetarëve dhe vizitorëve.
