Një aksident i rëndë rrugor është regjistruar pasditen e sotme në aksin Lushnjë-Fier, duke lënë të plagosur rëndë një 28-vjeçar.
Ngjarja ka ndodhur rreth orës 18:25, kur shtetasi me iniciale Z. H., 50 vjeç, duke drejtuar automjetin e tij, është përplasur me një motomjet që drejtohej nga Anxhelo Tare, 28 vjeç.
Si pasojë e përplasjes, drejtuesi i motomjetit ka marrë dëmtime të rënda dhe është transportuar me urgjencë në spital, ku ndodhet nën kujdesin e mjekëve në gjendje kritike për jetën.
Në vendngjarje kanë mbërritur menjëherë shërbimet e policisë dhe grupi hetimor, të cilët po punojnë për zbardhjen e plotë të rrethanave dhe shkaqeve të aksidentit.
©️zërionline
