Amnistia Penale pritet të kalojë në Parlament për votim më 18 qershor dhe në fund të korrikut pritet të dalin nga burgu ata që përfitojnë nga ky vendim.
Procedura parashikon miratimin në Kuvendin e Shqipërisë dhe më pas miratimin e ligjshmërise nga Presidenti, publikimin në Fletoren Zyrtare dhe në fund të korrikut pritet qe përfituesit të bashkohen me familjarët duke fituar lirinë e shumëpritur.
Amnistia Penale parashikon që 380 persona të lënë qelinë, ndërsa 900 të tjerëve do t’u ulet dënimi. Ajo parashikon pushimin e procedimit për veprat që dënohen deri në 3 vjet burg. Nuk do të përfitojnë ata që janë subjekt i SPAK-ut ose janë dënuar me vendim të dhënë nga Gjykata e Posaçme.
©ZëriOnline
