Kruja ngriti siparin e trofeut “Skënderbej 2026” me një ditë provash zyrtare të mbushur me adrenalinë, shpejtësi dhe konkurrencë të nivelit të lartë.
Skënderbej 2026 është garë ndërkombëtare malore e organizuar nga FASA dhe Auto Club Albania. Aktiviteti, i vlefshëm për kampionatin FIA CEZ dhe kampionatet kombëtare, mblodhi 21 pilotë nga Shqipëria, Kosova, Serbia dhe Mali i Zi.
Në pistën sfiduese të Malit të Krujës, piloti shqiptar Gentian Shaqiri, në timonin e një Tatuus, regjistroi kohën më të shpejtë të ditës, 2:11.991, duke konfirmuar formën e tij të shkëlqyer dhe statusin e favoritit për garën zyrtare.
Në vendin e dytë u rendit piloti nga Kosova Bardhyl Canolli me Radical SR8, me kohën 2:22.410, ndërsa podiumin e provave e plotësoi serbi Uros Brkić, me Osella PA21, që ndaloi kronometrin në 2:27.274.
Edhe pilotët kosovarë Kushtrim Bytyçi dhe Egzon Ukehaxhaj, të cilët u pozicionuan mes më të shpejtëve, duke lënë të hapur garën për podiumin në ditën finale.
Me rivalitet të fortë dhe një nivel të lartë konkurrimi, gara e së dielës pritet të ofrojë emocione të shumta, ndërsa pista e Krujës vijon të konfirmohet si një nga etapat më sfiduese dhe prestigjioze të automobilizmit malor në Ballkan.
Top 5, Provat zyrtare:
- Gentian Shaqiri (Tatuus) – 2:11.991
- Bardhyl Canolli (Radical SR8) – 2:22.410
- Uros Brkić (Osella PA21) – 2:27.274
- Kushtrim Bytyçi (Renault Clio) – 2:36.493
- Goran Dojčinović (Honda Civic) – 2:39.433
©ZëriOnline
