Këshilli i Lartë i Prokurorisë ka shpallur fitues prokurorin Edmond Koloshi për postin e drejtuesit të Prokurorisë së Durrësit. Për të njëjtin post kandidonte dhe Suela Beluli e cila ka qenë e komanduar në krye të organit të akuzës durrsake dy vitet e fundit. Beluli dhe pse ka qenë gjatë kësaj kohe dhe prokuroria përgjegjëse për median ka mbajtur një qëndrim të ngurtë, mungesë transparence gjithashtu, në raport me informimin e publikut për çështje me rëndësi për të.
Vendimi u mor në përfundim të mbledhjes së KLP-së të zhvilluar këtë të enjte, pas mbledhjes së pikëve, ku u shqyrtua procedura për përzgjedhjen e drejtuesit të ri të kësaj prokurorie.
Koloshi është emëruar në prokurori në vitin 2003, duke e nisur punën në prokurorinë e Lezhës e më pas në Durrës, për t’u rikthyer në Lezhë në periudhën 2013-2016. Nga viti 2016 e në vazhdim, ai vijon punën pa ndërprerje në prokurorinë e Durrësit.
©ZëriOnline
