Një punëtor rreth 40 vjeç ka humbur jetën pasditen e kësaj të enjteje, teksa punonte në kantierin e ndërtimit të projektit Durrës Marina.
Sipas informacionit paraprak të Policisë, rreth orës 15:00, shtetasi E. L., rreth 40 vjeç, dyshohet se ka humbur ndjenjat gjatë punës. Ai u transportua me urgjencë në spital, por nuk arriti të mbijetojë.
Grupi hetimor, nën drejtimin e Prokurorisë, ka nisur hetimet për të përcaktuar shkakun e humbjes së jetës dhe për të zbardhur plotësisht rrethanat e ngjarjes.
Paraprakisht nuk ka të dhëna nëse bëhet fjalë për një problem shëndetësor apo për një aksident në punë. Hetimet vijojnë.
©ZëriOnline
