Një vajzë e mitur ndërroi jetë pasi e mori rrjedha e lumit Drin. E mitura kishte shkuar për t’u larë me xhaxhain dhe tre kushërinj. Dyshohet niveli i lumit Drin është shtuar pas hapjes së portave të hidrocentralit në Dibër të Madhe.
Shtimi i menjëhershëm i Lumit Drin pas hapjes së portave të hidrocentralit në Dibër të Madhe solli mbytjen e një vajze rreth 7-vjeçe, ndërsa rrezikoi mbytjen e katër personave të tjerë.
Ngjarja e rëndë u shënua pasditen e djeshme në Gjoricë të Bulqizës, ku xhaxhai së bashku me dy nipërit dhe dy mbesat kishin shkuar për t’u larë në lumin Drin, por rrjedha e ujit i mori me vete.
Pas ndërhyrjes së uniformave blu, xhaxhai, dy nipërit dhe një nga vajzat arritën të dilnin dhe t’i shpëtonin mbytjes, por jo 7-vjeçarja.
Kërkimet për të vijuan edhe në orët e para të mëngjesit të sotëm, ku edhe u gjet trupi i pajetë i vogëlushes.
©ZëriOnline
